عندك ارض وباغي تبني،كتقلب علي ارض باش تشري وتبني، كتعرف شي حد عندو ارض وباغي يبني فمرحبا بيك هاد الموضوع كيهمك

السلام عليكم ورحمة الله إخواني اخواتي كنتمنا تكونو بخير وعلي خير ،مرحبا بكم مرة اخري ،الموضوع ديال اليوم غنتكلم ليكوم فيه

علي طلب رخصة البناء يعني الاجراءات والوثائق ،كفاش تحصل عليها ،الموضوع مهم بزاف للمقبلين علي شراء بقعة ارضية ،او لي

عندهوم الارض ،وباغين يبنيوها ومعارفينش الإجراءات .

إخواني نبداو علي بركة الله اول حاجة لازم تعملوها كتجيبو هاد الوثائق ولي هيا plan cadastral:تصميم المحافضة العقارية هوا

واحد البلان تيكون فيه الحدود ديال الأرض ديالنا وهاد التصميم هدا مسلم من طرف الوكالة الوطنية للمحافضة علي الاملاك العقارية

والمسح العقاري والخرائطية ،كتعين فيه حدود الأرض ،فحالة إدا مكان هاد العقار غير محفض فكنعوضوه بتصميم الطوپوغرافي

شهادة الملكية :certificat de propriété ايلا مكانتش كدلك الارض محفضة كنعوضوها بالرسم العدلي

حساب الساحة :calcul de contenance

وهاد الوثائق اخواني اخواتي يمكن اننا نديرو طلب ديالها وناخدوها إلكترونيا من المنصة او البوابة للمحافضة العقارية لي معارفش ممكن يمشي لأحد وكالات التسهيلات راهوم تيديرو هاد الخدمة هادي 3ديال الوثائق

Plan Cadastral

Certificat de Propriété

Calcul de contenance

ثم من بعد كتعمل واحد الكروكي كتحط فيه الفكرة ديالك كيف بغيتي التصميم ديال المنزل ديالك ،وكتوجهو لعند المهندس المعماري مصحوبا بالبطاقة الوطنية ،والوتائق لخرجتوها من المحافضة ،وكطلب منو يعمل ليك بلان انطلاقا من هاد الأفكار لي درتي او صاوبتي ليه ف الكروكي ،من بعد مكيصايب ليك البلان تيدفعو للجماعة وتيتعرض علي لكوميسيون ،يعني هادشي لي ولا جديد ف القانون الجديد الهندس كيتكلف بزاف ديال الامور مبقاش داك كترة التنقل للجماعة ،ملي كيتعرض البلان علي لكوميسيون يعني اللجنة الإقليمية للتعمير لكتكون مكونة من مصالح مختلفة ،وهاد اللجنة هيا لكتوافق علي التصاميم او كترفضها مع دكر سبب الرفض ،حتا كيتم الموافقة عليه من بعد مكيخرج ليك البلان النهائي ،لي موافقين عليه ،كتاخدو من عند المهندس المعماري وكتمشي عند مكتب الدراسات باش يصاوب ليك البلان ديال الحديد او تصميم الخرسانة المسلحة ، وكيسلم ليك معاها شهادة ديال تتبع الاشغال ،وكترجع عند المهندس المعماري لي صاوب ليك البلان هوا لغيطلب ليك رخصة البناء بشكل إلكتروني ،كاينة واحد المنصة إلكترونية سميتها رخص يعني غير من المكتب ديالو يقدر يطلب ليكوم هاد الرخصة هادي ،من بعد كتمشي للجماعة لتابعة ليها الأرض ديالك كتخلص واجبات الرخصة ،الضريبة ديال الأراضي الغير المبينة ،واجبات استغلال الملك العام ،والوكالة الحضرية ،والوقاية المدنية وهدوك التواصل لخلصتي بيهوم حافض عليهوم ،حيت كتديهوم معاك لعند المهندس المعماري ديالك باش يخرج ليك رخصة البناء يعني من بعد مني كتكون واجدة ف المنصة الإلكترونية ،يعني ضروري تحتافض بدوك التواصل باش خلصتي ،كتاخد التوصيل ديالها او الروسي كتحتافض بيه ،يعني باش من بعد مكتخرج ليك رخصة البناء غادي تاخدها من عند المهندس المعماري فكتمشي لعندو مصحوب بهدوك التواصل باش كتتبت ليه بأنك راك خلصتي المسائل ديالك ومبقات حتا شي حاجة تابعاك

وكتمشي مرة أخري للجماعة ديالك باش يعطيوك شهادة ديال الربط بالماء الصالح للشرب ،يعني ملي كتاخد هاد الشهادة كدير معاها نسخة من بطاقة التعريف الوطنية ،نسخة من ديك رخصة البناء لخديتي ،وكدلك نسخة من شهادة الملكية ،ايلا كانت ايلا مكانت فكما قلت كتعوضها بالرسم العدلي ،وكتديهوم للمكتب الوطني للكهرباء والماء الصالح للشرب ،وكتخلص الواجبات ديالك ،ملي كتوصلك النوبة تيجيبو ليك العداد ديال الماء باش يعاونك ويسهل عليك البناء ،وكتاخدو دفتر الورش الموقع من عند المهندس المعماري ومكتب الدراسات ،وتبدا بإدن الله البناء ديال الدار ديالك

بالنسبة لواجبات رخصة البناء الثمن كيختالف من جهة لجهة الواجبات كتختالف وعلي العموم فهي ببن 20 و 40 درهم للمتر مربع يعني كتحسب المساحة الاجمالية للمنزل والطوابق لفيه والبروز الحصيلة كضربها ف الثمن لي هوا كما قلت بين 20 و 40 درهم ،اما واجبات الاحتلال المؤقت للملك العام فهو فحدود 40 درهم للمتر مربع

إدن اخواني كان هدا هوا الموضوع ديالنا نتمنا يكون وضح ليكوم جميع الامور فيما يتعلق برخصة البناء،كفاش تحصل عليها والوثائق الضرورية ،كنتمنا يكون وضح ليكوم جميع الامور لكانت غامضة ومواضحاش